Sa sentenaryo ng UP, sana ay maparangalan din
ng pamantasan ang mga tunay na lingkod-bayan.
Hindi yaong mga pulitiko, sikat at dating administrador lamang.
Maraming mga karaniwang mag-aaral, propesor,
empleyado at nagtapos sa pamantasan pero aktibong
kalahok sa pagpapalakas ng hanay ng mga
pinagsasamantalahang sektor sa lipunan.
Sila sa tingin ko ang higit na mas
karapat-dapat kilalanin, pamarisan
at gawing inspirasyon ng UP para sa
susunod nitong sandaang taong pag-iral.
Kung hindi ay mawawalan ng katuturan
ang pagiging pamantasan ng bayan ng UP.
