Ilan ang mga sumusunod na naaalala kong tagpo
na lubos akong pinahanga ni Inday, 21 anyos at tubong Leyte:
- Habang nanonood kami ng TV, naibahagi ko sa kanya na sinusuri ng klase ko sa Cultural Studies ang mga lokal na patalastas. Sabi ny'a, "Ah, yung mga propaganda."
- Ipinaalala ko na dapat sinasabon ang lugar kung saan dumudumi ang aso.
"Para mamatay ang mga parasite," dagdag niya. - Bilang paghahanda sa isang PPT presentation, itinala ko ang mga nakaupong senador sa kasalukuyan. Iniuri ko sila batay sa lima (strongly pro-GMA, nominally pro-GMA, independent, nominally anti-GMA at strongly anti-GMA). Nang aking repasuhin, kulang pala ng isa. Tinamad akong saliksikin on-line kaya tinanong ko siya.
Ipinakita ko sa kanya ang tala:
Santiago
Lapid
Revilla
Zubiri
Enrile
Honasan
Pangilinan
Cayetano, Pia
Arroyo
Gordon
Villar
Aquino
Biazon
Escudero
Legarda
Roxas
Estrada
Pimentel
Cayetano, Alan
Lacson
Madrigal
Trillanes
Lim (may nalalabing 3 taon pero nanalo sa pagka-alkalde sa Maynila)
Tiningnan niya, nag-isip at sumagot: Angara.
Hindi eksaherasyon ang popular na mga text joke ukol kay Inday.
Tinanong ko siya dati kung anong pangarap n'ya maging.
"Teacher", sagot niya.
"Anong subject ang gusto mo ituro?," tanong ko.
Nag-isip at sumagot: Political History
Lupeeeeeeeeeeeeeeeeeeeet mo, Rodessa!
