pa(MAHAL)aan

Isang kawani ng pamahalaan ang nagpahayag ng matinding pagkadismaya sa isa sa mga proyektong kontra-korapsyon ng kanilang opisina. Layunin ng proyektong sanayin ang mga opisyal ng ibang ahensya upang paigtingin ng pamahalaan ang laban sa katiwalian. Malaking pondo ang inilaan para sa proyektong ito pero hindi raw kakikitaan ng anumang malasakit, sigasig at interes ang mga nagpartisipa. Kung hindi raw natutulog ay nagtetext lang. Nanghihinayang siya sa pondo at panahon. Sa totoo lang, (sadyang) maaksaya ang pamahalaan.
Maaksaya dahil maraming bigong proyekto.
Maaksaya dahil mahilig sa hindi naman kailangang mga ritwal (laganap kahit sa pamantasan).
Maaksaya dahil di-episyente.
Maaksaya dahil maraming tiwali at walang pananagutan.