Ang saksing (walang nagawa), si tiwali, sina tiwala at ang swerteng janitor

Isang tagpo sa isang pampribadong pamantasan malapit sa SM...

Nangulekta ang (tiwaling) dalubguro ng donasyong de-lata sa kanyang mga (tiwalang) estudyante.
Para raw diumano ito sa mga katutubong nasalanta ng kalamidad - ito ang kanyang press release.
Marami-rami ang nagdala, bunga na rin marahil ng dagdag na puntos sa kanilang grado.
Kanyang dinala ang mga nakulekta sa isang silid kung saan nagpapahinga ang kanyang mga kapwa guro.
Dito ko nasaksihang pinaghiwalay niya ang mga carnenorte sa mga sardinas.
Sa halip na ibigay sa mga dapat paglalaanan nito, kanyang iniuwi ang mga carnenorte at ibinigay naman ang mga natirang sardinas sa isang (swerteng) janitor na nagkataong napadaan sa silid.
Napatulala lang ako sa aking nakita.