Ang Binhing Handog ay proyekto ng Development Studies Society (DEVSOC)
sa pakikipagtulungan ng Kabataan para sa Tribung Pilipino (KATRIBU).
Ang layunin ng proyekto ay makalikom ng donasyon para makabili ng mga binhing ipamamahagi sa mga katutubong Aeta sa Zambales. Isang booth ang itatayo sa CAS na tatagal mula Peb. 2-6 para sa pangangalap ng donasyon. Sa pagbisita ng mga Aeta sa huling araw sa UP Manila ibibigay ang mga binhi. Ang sumusunod ang mga binhing inaasahang ipamamahagi: ampalaya, sitao, pipino, talong, mustasa, pechay, labanos, sili, kamatis, upland kangkong, kalabasa, patola at upo. Nagkakahalaga ng 2-5 piso ang bawat pakete ng binhi na bibilhin ng grupo mula sa Bureau of Plant Industry (BPI). Sana'y makatulong kayo. Salamat.
