Noong 1998, tambalang JDV-GMA ang pambato ng Partidong Lakas. Ginawang panghatak ang noo'y popular pang si GMA para palakasin ang kandidatura ni JDV laban sa sikat na sikat na si Erap. Noong 2004, GMA-Noli naman ang binuong pares para samantalahin ang kasikatan ni Noli at ipantapat sa alyansang FPJ-Loren. Ngayong 2010, pinaplano ang pormulang Gibo-Vilma para sa parehong layunin. Tama si Jessica Zafra sa aklat niyang Pinoy Elections: A Guide for the Dismayado. Aniya, "Elections are essentially popularity contests couched in noble terms." Totoo ito lalo na sa administrasyon.
