Abot-langit ang pasasalamat ng masa (partikular yaong mga hindi ganap at malalim ang pampulitikang kamalayan) tuwing mayroong silang natatanggap na "mumo" mula sa mga pulitiko sa porma ng mga donasyon o regalo. Hindi nila alintana na higit pa rito ang dapat nilang tinatamasa sa porma ng sapat na batayang serbisyong panlipunan kung hindi kurakot o tiwali ang mga nasa poder, at kung hindi ang sistemang panlipunan at pang-ekonomya ang patuloy na nananaig. Nagsisilbing suhol ang mga mumong ito upang hindi mag-alsa ang mga mamamayan laban sa kurapsyon, karalitaan, at sabwatang panginoong may lupa-kapitalista*-gobyerno.
____________
*dayuhan at lokal
