"Ang Pilipinolohiya ay pag-aaral ng Pilipinas. Susing usapin dito ang pagbubuo muna ng batayan kung ano itong Pilipinas na ating aaralin; dagdag pa, "lahat" ng may kinalaman sa Pilipinas ay maaaring saklawin ng disiplinang ito. Pinakamahalaga sa proyektong ito ay ang katotohanang sa pag-aaral mismo ng Pilipinas, mga Pilipino, at mga paksaing pumapatungkol sa Pilipinas at Pilipino nabubuo ang mismong depinisyon at kahulugan ng Pilipinolohiya. Ibig sabihin, sa praktika at proseso ng pagdidiskurso nabubuo ang katawan ng kaalamang ating pinag-aaralan." (Prop. JPaul Manzanilla)
