Axel Pinpin I
Beberly Ann Ocampo
‘Sang simpleng magsasaka
Lumaba’t nakibaka
Gamit papel at pluma
Tula kanyang sandata
***
Axel Pinpin II
Angelo Rosal
Pluma’t papel ang gamit
'Di espada’t kalasag
'Di man nakasusugat
Tatatak sa isipan
***
Axel Pinpin III
Angelo Rosal
Ang dakilang makata
Humabi ng salita
Kasaysaya’y inukit
Alay sa mamamayan
***
Axel Pinpin IV
Ariza Maila Rojales
Papel at lapis lamang
Kaniyang instrumento
Sa pakikibaka niya
Na kasama ang masa
***
Axel Pinpin V
Katrina Beatrice Atienza
Ang kanyang mga tula
Ay ang tinig ng madla
Atin ang kanyang laban
Tunay siyang makabayan
***
Axel Pinpin VI
Katrina Beatrice Atienza
Ang panulat ay baril
Ang salita ang bala
Ito lang ang sandata
Para ipagtanggol ka
***
Axel Pinpin VII
Abigael Jamille Julao
Ang kanyang mga tula’y
‘Di lamang panlibangan
Kundi pagpapahayag
Ng kanyang kamulatan
***
Axel Pinpin VIII
Ma. Guiana Salvadora
Puso n'yang makabayan
Nagmulat sa 'ting mga mata
Kanyang papel at pluma
Nagsilbi n'yang sandata
* * *
Axel Pinpin IX
Josah Marielle Agan
Bung tapang, lumaban
Para sa katarungan
Buhay man ay itaya
Gamit ang tula't tugma
