Bakit ito inilipat sa parking lot?
May magdikit pa kaya dito ng mga manifesto na ang katapat
lang naman ay isang mahinang buhos ng ulan?
Mabuti sana kung may magbasa pa ng mga manifesto
kung may nakaparadang sasakyan.
Mabuti sana kung may magbasa pa kung nasa
kasagsagan ng pamamayagpag si haring araw?
Sana 'wag dumating ang panahon na ang mga isusulat natin dito ay:
- Gerald loves Kim!
- I was here!!!!!!!!!!
- Yahooooooo! Sinagot na ako ni Matilda -Sputnik
- Wntd txtm8 0917-123-4567
- fraternity/sorority so&so rulz!!!
- if you are N.I.T., you are E (brainteaser)
- Ako'y nalolongkot :-(
- Vote Marvin Agustin 4 Prez!
- Gago ka Sputnik, binuntis mo ako!
Sabagay sakop pa rin naman ang mga ito ng kalayaang magpahayag.
Pero walang maiaambag sa pagpapalalim ng pulitikal na kamalayan
kundi repleksyon lamang ng dekadenteng kulturang pop.
hilaw.
malasado.
malabnaw.
utak-biswit. utak-pulburon.
