Tanong (Ponsaran) - Ano po ang inyong opinyon sa mga saling-salita tulad ng madlakasan para sa democracy, kitaninag para sa translucent, o kitagos para sa transparent?
Sagot (Dean Virgilio Almario) - Walang masama sa mag-imbento. Pero parang mahirap nang palitan ang demokrasya. Maliban kung ang likha ay may ibig ipahiwatig na demokrasyang Filipino. Ang mga Bikolano ay may silag para sa transparent. Maganda ang kitaninag para sa translucent. Pero baka may luma nang salita ang mga Tagalog o ang ibang wikang katutubo.
