Malabnaw, hilaw, malasado

• Inaakala ng iba na dahil lang araw-araw nilang nasisilayan
  ang iba't ibang mukha ng kahirapan sa kanilang paroo't
  paritong pagbibiyahe sakay ng jeep ay ganap na nilang
  nauunawaan ang masalimuot at malalang problemang ito.
  Mga "jeepney sociologist" ang tawag ko sa kanila.
  
• Maraming nag-aastang antropologo ang nagkakasya na
  lamang sa pagtatampok ng mga kuhang larawan ng mga
  katutubo. Nakikipot na lamang sila sa pagpapakita
  ng kanilang natatanging kultura sa pamamagitan ng
  photography. Doon lang nagsisimula't natatapos.
  Mga "postcard anthropologist" ang tawag ko sa kanila.
  Walang layunin na alamin ang suliranin ng mga katutubo
  at makiisa sa kanilang pakikibaka upang igpawan ito.