Binhing handog para sa kabuhayan at pampulitikang pakikibaka

Nitong nakaraang Biyernes namin pormal na ibinahagi sa mga Dumagat ang ating donasyong binhi.

Ayon sa kanilang kinatawan, malaki ang maitutulong nito sa kanila sa dalawang paraan.

Una ay pangkabuhayan para madagdagan ang kanilang pagkain at pagkakakitaan.

Ikalawa ay ang malaking ambag ito sa kanilang pampulitikang pakikibaka. Ayon sa kanila, sa pamamagitan ng mga binhi ay mas magiging produktibo ang kanilang mga lupain at bunga nito'y mas sisikhay ang kanilang paninindigang biguin ang pagpapalayas sa kanila ng sabwatang gobyerno at pribadong korporasyon mula sa kanilang lupaing ninuno upang isulong ang kontra-mamamayang pagtatayo ng dambuhalang dam.