Ang pagbabasa ang isa ring porma ng paglaya.

• Ugaliing magbasa ng peryodiko. Makatutulong ito sa pagpapalawak ng kaalaman at pagpapataas ng kasanayan sa pag-iisip at pasusulat. Ang mga mahuhusay magsulat ay mahihilig ding magbasa.
• Sanayin ang pag-alam ng ideolohiya ng ibang tao sa pamamagitan ng pagbabasa ng kanilang mga akda. Makatutulong ng malaki ang Political Ideologies: Their Origins and Impact ni Leon Baradat bilang panimula.
• Tatlo ang dahilan ko kung bakit ako'y nagbabasa. Una, upang may bagong matutunan. Ikalawa, tiyaking tama o naaangkop pa rin ang mga impormasyon na alam ko. Ikatlo, pampa-antok.
• Habang hindi ka pa nagpapakadalubhasa (generalist pa lamang), huwag magpakahon sa iisang klase ng babasahin. Napakarami pang dapat malaman. Sa katunayan, maging ang mga specialist ay hindi nililimitahan ang sarili sa iisang tipo ng babasahin lamang. Palayain ang sarili.